Prácticas nas Illas Cies en colaboración co Parque Nacional Illas Atlánticas

En días pasados, a finais de Outubro, participei  xunto con Marcos Velosos como profesora acompañante do grupo de 2º curso do Ciclo Superior de Xestión forestal e do medio natural do IES Cidade de Antioquía nunha estadía formativa nas Illas Cies (Parque Nacional Marítimo Terrestre Illas Atlánticas de Galicia)
Foron tres días intensos nun paraxe de singular beleza, un privilexio poder estar nas Cíes sin a aboraxine de xente que normalmente as visita na época estival e con bon tempo no Outono.

Realizamos tarefas de conservación do patrimonio natural asignadas e supervisadas polo persoal do Parque Nacional nas Illas Cíes, entre outros:
-Levantamento de planta forestal  (Quercus pyrenaica e Quercus suber) cultivada en terra
- Tallado da parte aérea e poda de raices
- Aviveirado en gabias para plantación posterior
- Acondicionamento de pequena parcela dedicada a viveiro de planta forestal
-Erradicación de flora invasora (Robinia pseudoacacia) con ferramentas manuais: tesouras poda, sachos, pulanskis,... e aplicación localizada de fitocidas
- Erradicación de especies invasoras (Acacia melanoxylon e Eucaliptus globulus) mediante abatemento con motoserra.
-Retirada e apilado dos restos da corta


Ademais deunos tempo para facer varios paseos pola illa, incluida visita nocturna ao faro, avistamento de aves e recoñecemento de especies vexetais, conversas cos traballadores do parque e os mais intrépidos desfrutaron longamente dos baños no mar.
Experiencia altamente recomendable.

Estadía nas illas Cíes - Movie Maker

A foita prohibida, o maravilloso mundo dos fungos

Extracto do documental feito por Moving Art by Louie Schwartzbergt, no que Paul Stamets, experto micólogo, fala do importante papel que xogan os cogomelos na saude e supervivencia da terra e da especie humana. Para saber mais sobre o filme podes clickar no seguinte enlace www.fantasticfungi.net.

Un ano en 40 segundos, espectaculares imaxes

One year in 40 seconds from Eirik Solheim on Vimeo.

Memoria verde

Como nosotros, los árboles recuerdan.
Pero ellos no olvidan: van formando anillos en el tronco, y de anillo en anillo van guardando su memoria.
Los anillos cuentan la historia de cada árbol y delatan su edad, que en algunos casos llega a los dos mil años; cuentan qué climas conoció, que inundaciones y sequias sufrió, y conservan las cicarices de los incendios, las plagas y los temblores de tierra que lo han atacado.
 Un día como hoy, un estudioso del tema, José Armando Boninsegna, recibió de los niños de una escuela argentina la mejor explicación posible:

-Los arbolitos van a la escuela y aprenden a escribir. ¿Donde escriben? En su panza ¿Y como escriben? Con anillos. Y eso se puede leer.

Fragmento de "Los Hijos de los días". Diciembre 4
Eduardo Galeano

Mais barato plantar unha árbore que combater a erosión

 No seguinte enlace Ecocosas-experimento, podedes apreciar de forma moi ilustrativa nun experimento caseiro  a importancia da vexetación e as árbores para a saúde da terra, mostra como a vexetación contribúe a fixar o solo para previr a erosión e a perda de nutrintes.

Visita virtual e interactivamente os Parques Nacionais

No seguinte enlace Parques Nacionais, poderedes visitar interactivamente e de forma gratuita 11 Parques nacionais.  Atoparedes: Fichas de flora, fauna, visita virtual ó Centro de acollida, visor cartográfico, vídeos,..
Iso si, con paciencia, nalgún momento vai a ralentí.

Outro mundo é posível !!!???

Na seguinte película-documental "La voz del viento"  vídeo Jean Luc Danneyrolles, agricultor da provenza Francesa e Carlos Pons, documentalista Español, organizan unha viaxe hacia Granada ó encontro dos movementos sociais alternativos, entre agroecología e cambio de paradigma.
Jean-Luc é productor de sementes naturais e ecolóxicas de máis de 250 variedades, tradicionais, antigas e raras. Chama ao seu xardín: "Le potager d´un curieux": "A horta dun curioso".
Datos da viaxe:
Realizan esta viaxe no mes de Febrero de 2012  levan como moeda de cambio un montón de sementes (Grande patrimonio da natureza e da humanidade)
21 dias
35 Proxectos visitados, proxectos inspiradores tanto persoais como colectivos
Máis de 200 pesoas encontradas
9 parques naturais
Recomendo que o vexades un día con calma, dura mais de unha hora e hai que darlle unha marxe de tempo para interiorizar tanta información, seguro que moit@s non chegaredes até o final, .., pero @s que cheguedes, probablemente reunades moitos dos valores, cualidades e inquedanzas necesarios para transformar o mundo que nos rodea: CONSTANCIA, INTENCION, COHERENCIA, AUTOGESTION, DESOBEDIENCIA, COLECTIVIZACION, COMUNIDAD, RENOVACION, CONCIENCIA,  CONFIANZA, VISION, FLUIR, AGROECOLOGIA, EMPODERAMIENTO, INTUICION, LIBERTAD, ALEGRIA, RESPONSABILIDAD, COMPARTIR, SIMPLICIDAD, RESPETO, TRANSICION, AUTOSUFICIENCIA, SOBERANIA ALIMENTARIA.
Desde logo é un video que fai reflexionar e non deixa indeferente.
Agardo vos guste!!! Se vos apetece, podedes facer algún comentario


La voz del Viento - Semillas de transición from Mosaic Project on Vimeo.

O segredo das árbores

O seguinte video danos unha idea da valiosa información que aportan as árbores para os estudos das series climáticas, testemuñas inmóbiles do paso do tempo, capaces de contarnos grandes historias

Saída micolóxica pola Limia o domingo 27 de Outubro

Amanita caesarea. Foto: Carme Míguez

Como cada vez dentro do alumnado hai mais afeccionad@s a recollida de cogomelos tanto para consumo propio como para comercializar, e cada vez son mais as consultas, recomendovos unha xornada práctica de recoñecemento que terá lugar o vindeiro Domingo 27 de Outubro na Limia. A saida micolóxica estará guiada por varios socios da "Xuntanza micolóxica Os Cogordos de Ourense",  será a partir das 10:00 da mañán, con saída desde a Tenda-Taberna "A Corte do bois" en Santa Ana (concello de Sandiás).
Para participar nesta xornada é necesarió inscribirse na propia taberna ou ben enviando un sms ao seu Facebook "A Corte dos bois", se queredes quedar a xantar haberá que pagar 8 €, o xantar inclúe: cogomelos, churrasco, tortilla + bebida. A saída guiada é gratuita.
Se estades interesados/as non esquezades apuntarvos, para ben, antes do Xoves.

Foto: Carme Míguez

Recursos na web para identificación de árbores e características silvícolas

Foto: J.Ramón Garcia

Esta fin de semana, mentras preparaba materiais de aula, en concreto as Fichas de identificación botánica de especies forestais presentes na provincia de Ourense, atopeime cunha páxina web que sirve de apoio gráfico e documental para adestrarse na identificación de especies arbóreas, podedes consultala no seguinte enlace:
Árboles Ibéricos nesta páxina recóllense agrupadas por xéneros a decsripción das características botánicas de árbores autóctonas e de cultivo frecuente no medio natural en España, Portugal e Andorra, acompañadas de fotos, nalgún caso espectaculares. En breve terán dispoñible unha aplicación para descargar no móbil.

Ademais, contan cunha aplicación  que permite acceder á descripción de xéneros, especies e fotos de orquideas silvestres e autóctonas da Peninsula ibérica, podedes acceder para descargala pinchando no seguinte enlace:Orquideas Ibéricas

Para o alumnado de segundo que está elaborando a táboa de características silvícolas de diversas especies forestais, ademais das Fichas de Serrada Hierro (que podedes descargar na páxina web de apuntes), podedes consultar as páxinas:
Wikisilva, espazo desarrollado pola Aula de silvicultura da Escola de Enxeñeria Forestal de Pontevedra (Universidade de Vigo)
Agrobyte- centro de recursos telemáticos, no apartado de publicacións atoparedes manuais de silvicultura de diversas especies forestais, este espazo foi desenvolto pola Universidade de Santiago de Compostela

Avance do documental: queimar o monte

O Mércores 2 de outubro ás 23:55 emitirase na TVG2 un interesante documental no que se analizan as causas dos incendios forestais en Galicia, este documental foi realizado no ano 2012, pero tristemente continua a ser un tema de actualidade!!!!
Deixovos un avance do que se emitirá mañán


Queimar o monte - Avance do documental from Walkie Talkie Films on Vimeo.

Bolsa emprego

Para aqueles/as que estades buscando emprego, infórmovos: que a Empresa Pública de Servizos Agrarios Galegos, recén hoxe luns 30 de Setembro actualizou: Apertura de prazo para actualización de méritos e/ou novas incorporacións ás listas para diferentes postos de traballo vinculados ó sector forestal: Capataz, Xefe de Brigada. Estas ocupacións requiren cando menos a titulación de Ciclo medio de traballos forestais e de conservación do medio natural.
Para os que querades mais información, podedes pinchar no seguinte enlace SEAGA-Ofertas de emprego