Rebote: unha das situacións de risco grave no uso da motoserra

A causa do "rebote ou contragolpe" da motoserra é debido ó rozamento ou tropezo da zona superior da punta da espada con obxectos duros como troncos, polas, etc

Cando isto pasa, prodúcese un movemento moi violento e rápido, facendo retroceder a motoserra cara atrás e cara  arriba; podendo alcanzar algunha parte do corpo do/a motoserrista (cabeza, ombreiro, brazo ou man esquerda, ...) chegando a provocar lesións "mais que graves"

 

Medidas de prevención: ante todo moita PRECAUCIÓN durante a xornada de traballo con motoserra!!!!!

-En todo momento agarrar firmemente a motoserra coas dúas mans 

-  A motoserra debe serrar en plena aceleración.

-Vixiaremos a parte superior da punta da espada, procurando mentras cortamos, non rozar con ela troncos, gallas,etc.
- Si é necesario traballar coa parte superior da espada, evitaremos facelo co cuarto superior da punta
- Extremaremos as precaucións ó introducir a espada nun corte xa empezado
-Utilizaremos cadeas de seguridade con limitadores de profundidade, e coidando o correcto afiado da mesma. 
- En último caso disporemos da protección do freo automático da cadea

Nos seguintes vídeos podedes apreciar o descontrol da motoserra que se produce cando hai un rebote (Kickback é a palabra en inglés para chamar a un contragolpe ou rebote) e imaxinar as posibles consecuencias.

Traballando seguros/as coa motoserra

Para conseguir a máxima seguridade durante o traballo coa motoserra, debemos empregar o equipo de protección persoal adecuado as tarefas que se van realizar, no seguinte vídeo podedes apreciar de que nos protexe cada un dos elementos que forman parte dos EPI´s do motoserrista, de ahí a importancia de non descartar o uso de ningún deles.